| 24 | * | ފައްކާވެފައިވާ ލާމަރުކަޒީ ނިޒާމެއް ގާއިމުކުރުމަށްޓަކައި ގަޑުބަޑުކޮށްފައިވާ ލާމަރުކަޒީ ގާނޫނަށް އިޞްލާޙު ގެނައުން. |
| * | އިޤްތިޞާދީ ޙައިސިއްޔަތު ކައުންސިލްތަކަށް ފަހިކޮށްދިނުމާއެކު، ކައުންސިލްތަކުގެ ޤާބިލްކަމާއި ޒިންމާދާރުކަން ބޮޑުކޮށްދިނުން. | |
| * | ހަމަހަމަކަމާއެކު ޚިދުމަތް ފޯރުވައިދީ ރައްޔިތުންގެ އިތުބާރު ލިބިފައިވާ، ޙަރަކާތްތެރި ފުދުންތެރި ކައުންސިލްތަކެއް އުފެއްދުން. | |
| 25 | * | ދައުލަތުގެ އޮފީސްތަކާއި ސަރުކާރު މިނިސްޓްރީތަކުގެ ގިނަ މަސައްކަތްތައް ރަށުކައުންސިލްތަކާއި، އަތޮޅުކައުންސިލްތަކާއި، ސިޓީކައުންސިލްތަކަށް (ވަކި ތަރުތީބަކުން) ބަހާލުން. |
| * | މަރުކަޒީ ސަރުކާރުން ކުރަމުން ގެންދާ މަސައްކަތްތަކުގެ ތެރެއިން ކައުންސިލްތަކާ ގުޅުންހުރި މަސައްކަތްތައް، ސީދާ ކައުންސިލް ތަކަށް ބަހާލުން. | |
| 26 | * | މިނިސްޓްރީތަކުން ރަށްރަށުގައި މިހާރު ކުރަމުން ގެންދާ މަސައްކަތްތަކުގެ ތެރެއިން ކިތަންމެ މަސައްކަތެއް ރަށު ކައުންސިލްތަކުގެ ދަށަށް ދޫކޮށްލެވި، ނޭޝަނަލް ޑިވެލޮޕްމެންޓް ޕްލޭން އަދި ސަރުކާރުން އެކުލަވާލާފައިވާ އެކްޝަން ޕްލޭންއާއި ފުށުނާރާގޮތަށް މަޝްރޫއުތައް ހިންގާ ވިލަރެސްކުރުމުގެ އިޚްތިޔާރު ކައުންސިލްތަކަށް ހޯދައިދިނުން. |
| * | ރައްޔިތުން އިންތިޚާބުކުރާ ކައުންސިލްތަކަށް ބާރުވެރިކަމާއި ރައްޔިތުންގެ އިތުބާރާއި ޤަދަރު ހޯދައިދެވި، މާހަމަޖެހޭ ޖަޒީރާ ދިރިއުޅުމަކަށް ވާޞިލުވުމަށް ކުރަންޖެހޭ މަސައްކަތްތައް ވިލަރެސްކުރުން. |
| 27 | * | ކައުންސިލްގެ އިޙްތިޞާސްގައި ހިމެނޭ ބިމާއި، ފަޅާއި، ފަރާއި، ކަނޑާއި، ވާއެންމެހާ ވަޞީލަތްތަކުން ލިބޭ ކުލީގެ އިންސައްތައެއް އެ ކައުންސިލަކަށް ލިބޭނޭގޮތް ހަމަޖެއްސުން. |
| * | ފުރާފުރިހަމަވެ އަމިއްލަ ފައިމައްޗަށް ތެދުވެގެން ހިނގާ ކައުންސިލްތަކަކަށް ހެދުމަށްޓަކައި ދައުލަތުގެ މާލީ ނިޒާމާ ފުށުނާރާގޮތަށް ދަރަންޏަށް ޒިންމާވުމާއި ލޯނުނެގުމުގެ ބާރު ކައުންސިލްތަކަށް ހޯދައިދިނުން. | |
| * | ކައުސިލްތަކަށް މާލީ މިނިވަންކަން ހޯދައިދިނުން. | |
| 28 | * | ޢާއްމު ޚިދުމަތްތަކުންނާއި، އެހެނިހެން ގޮތްގޮތުން ނެގެމުންދާ ފީތައް، މައި ސަރުކާރަށް ނުގޮސް ސީދާ ކައުންސިލްތަކަށް ނެގޭގޮތަށް ބަދަލުގެނައުން. |
| * | ކައުންސިލްތަކަށް ލިބޭ އާމްދަނީ ބޮޑުކޮށް، އެއިން ރައްޔިތުންނަށް ހިދުމަތްތައް ފޯރުކޮށްދިނުމުގެ ހުރިހާ ބާރެއް ކައުންސިލްތަކަށް ލިބިދިނުން. | |
| * | ހައިބަތާއި ޤަދަރު ބޮޑު ޖަޒީރާވަންތަ ކައުންސިލްތަކެއް އުފެއްދުން. | |
| 29 | * | ކޮންމެ ރަށެއްގެ އިޤްޠިޞާދު ދެނެގަތުމަށްޓަކައި އެރަށެއްގެ އާމްދަނީއާއި ޚަރަދު ދެނެގަނެވި މިނަންފެށުން. |
| * | ރަށުގައިވާ ވަޞީލަތްތަކާއި ހަރުމުދަލާއި މުޅި މިލްކިއްޔާތު ހިމެނޭ ރަށު ބެލެންސްޝީޓެއް އެކުލަވާލުން. | |
| 30 | * | ޖަޒީރާ ރަށްރަށުގެ ކަރަންޓާއި ފެނާއި ނަރުދަމާ ޤާއިމްކުރުން ހަލުވިކުރުމަށްޓަކައި މިހާރު މާލޭގައި ހިންގާ މަރުކަޒީ ކުންފުނިތަކުން ދޭ ޚިދުމަތްތައް ސަރަޙައްދީ ކުންފުނިތަކަށް ބަހާލުން. |
| * | ފެނާއި ނަރުދަމާ ޤާއިމްކުރުމަށް އުފެއްދޭ ސަރަޙައްދީ ކުންފުނި ތަކަކީ އެސަރަޙައްދެއްގެ ރަށްތަކުގެ ބައިވެރިވުމާއެކު ހިންގާ ކުންފުނި ތަކަކަށް ހެދުން. |
| 31 | * | ދިގުމުއްދަތަށް އަމާޒުކޮށް، ލޭންޑް ޕޮލިސީ، ނުވަތަ ބިންބޭނުން ކުރުމުގެ ޤައުމީ ސިޔާސަތު އެކުލަވާލުން. |
| * | ބިން ބޭނުންކުރުމުގެ ޤައުމީ ސިޔާސަތުގެ ތެރެއިން ރަށުކައުންސިލްގެ އިޙުތިޞާސްގައިވާ ބިމާއި ކަނޑުފަޅާއި ފަރުފަދަ އެންމެހައި ތަންތަން، ރަށުގެ ބައެއްގެ ގޮތުގައި ހަމަޖެއްސުން. | |
| 32 | * | ރަށުކައުންސިލްގެ އިޙުތިޞާސްގައިވާ ބިމާއި ކަނޑުފަޅާއި ފަރުފަދަ އެންމެހައި ތަންތަން ބޭނުންކުރުމުގެ ގޮތް ކަނޑައަޅާ، ތަރައްޤީކޮށް، ހިންގުމުގެ މިނިވަންކަން ކައުންސިލްތަކަށް ލިބިދިނުން. |
| * | އަތޮޅުކައުންސިލްގެ އިޙުތިޞާސްގައިވާ ރިސޯޓް ހިންގާ ރަށްރަށުގެ ކުއްޔާއި ސިނާޢީ މަސައްކަތް ހިންގާ ފަޅުރަށްރަށާއި އެހެނިހެން ތަންތަނުގެ ކުލީގެ އިންސައްތައެއް، (ރާއްޖޭގެ ހުރިހާ ކައުންސިލްތަކަށްވެސް ހަމަހަމަ ވާނޭފަދަ ނިޒާމެއް ކަނޑައެޅި) އަތޮޅު ކައުންސިލްތަކަށާއި ސިޓީ ކައުންސިލް ތަކަށް ލިބިދިނުން. | |
| * | ބިމުގެ ވިޔަފާރިއާއި އެހެނިހެން ވިޔަފާރިތައް ހިންގުމުގެ ހުރިހާ ބާރެއް ކައުންސިލްތަކަށް ލިބިދިނުން. |
| 33 | * | ސަރުކާރު ހިންގުމުގައި ޢާންމުންގެ ބައިވެރިވުން އިތުރުކުރުމަށް ސަރުކާރާއި ކައުންސިލްތަކާއި އާންމު ރައްޔިތުންނާ ދޭތެރޭ އޮންނަ ގުޅުން ހަރުދަނާކޮށް، "ޑެލިބަރޭޓިވް ޑިމޮކްރެސީ" ގެ އުޞޫލުން ކަންކަން އިންތިޒާމު ކުރުން. |
| * | ޢާންމުންނާ ގުޅުން ހުރި ކޮންމެ ނިންމުމަކީ ޢާންމުންގެ ބައިވެރިވުމާއެކީ، ފުރިހަމައަށް މަޝްވަރާކުރެވިގެން ނިންމޭ ނިންމުމަކަށް ހެދުން. | |
| * | ސިޔާސަތު ކަނޑައެޅުމަށާއި ޤާނޫނުއަސާސީއާއި ޤާނޫނުތަކާއި ޤަވާޢިދުތަކަށް ބަދަލުގެންނަން ހުށަހެޅުމުގެ ފުރުޞަތު ޢާންމު ރައްޔިތުންނަށް ދިނުން. | |
| * | ވަކި ޢަދަދެއްގެ ރައްޔިތުންގެ ޕެޓިޝަނަކުން ސިޔާސަތު ކަނޑައެޅުމަށާއި ޤާނޫނުއަސާސީއާއި ޤާނޫނުތަކާއި ޤަވާޢިދުތަކަށް ބަދަލުގެނައުމަށް ރައްޔިތުންގެ މަޖިލީހުގައި ވޯޓަށް އެހޭނެ ފުރުޞަތު ފަހިކޮށްދިނުން. | |
| * | ވަކި ޢަދަދެއްގެ ރައްޔިތުން އެދުމުން ކައުންސިލްތަކުގެ ޓައުންހޯލް ބައްދަލުވުންތައް ބޭއްވޭނެ ފުރުޞަތު ފަހިކޮށްދިނުން. | |
| * | އަންހެނުންގެ ތަރައްޤީއަށް މަސައްކަތްކުރާ ކޮމިޓީތައް ބާރުވެރިކުރުން. |
| 34 | * | ކޮންމެ ރަށެއްގައިވެސް ހުރި ދުވަސްވީ ބިނާތަކާއި، އާސާރު އެކުލެވޭ ތަންތަނާއި، ތާރީޚާ ގުޅިފައިވާ ތަކެއްޗަކީ އެރަށެއްގެ އެންމެ މުހިންމު އައިޑެންޓިޓީކަމުން، މިފަދަ ތަންތަނާއި ތަކެތި ޙިމާޔަތްކުރުން އެންމެހާ ފަރާތްތަކަށް ލާޒިމްވާގޮތަށް ޤާނޫނީ ޒިންމާ ކަނޑައެޅި، ހަރުދަނާ އުޞޫލަކުން އާސާރުބެލެހެއްޓުން ފެށުން. |
| * | ކޮންމެ ރަށެއްގެ ތާރީޚާއި އާދަކާދަ އެއްކުރެވި ލިޔަން ފެށްޓުން. | |
| * | އާސާރީ ތަންތަން ބެލެހެއްޓުމަކީ ރަށް އިތުރަށް އިޝްތިހާރުވުމާއި މާކެޓްވުމާއި ގުޅިފައިވާ މުހިންމު އިޤްޠިޞާދީ މަސައްކަތެއް ކަމުގައި ކަނޑައެޅުން. |
| 35 | * | ދެމެހެއްޓެނިވި ހަރުދަނާ އުޞޫލަކުން ޤައުމީ ތަރިކަ ޙިމާޔަތްކޮށް ބަލަހައްޓަން ފެށުން. |
| * | ޤައުމީ ތަރިކަ ޙިމާޔަތްކޮށް ބެލެހެއްޓުން ހަރުދަނާކުރުމަށްޓަކައި ޤައުމީ ތަރިކައިގެ ލިސްޓެއް އެކުލަވާލައި، އެއީ ޙިމާޔަތްކުރެވި ރައްކާތެރިކުރެވިފައިވާ ތަންތަނުގެ ގޮތުގައި ރައްޔިތުންގެ މަޖިލީހުން ފާސްކުރުން. | |
| 36 | * | ދިވެހި ޤައުމިއްޔަތާއި ޘަޤާފަތް ވަރުގަދަކޮށް ދިވެހިންގެ މާއްދީ އަދި މައުނަވީ ތަރިކަ ރައްކާތެރިކޮށް ބެލެހެއްޓުން. |
| * | ކޮންމެރަށެއްގެ ތާރީޚާއި އެރަށަކާއި އަތޮޅަކާ ގުޅިފައިވާ މާޒީ ލިޔެވި ރަށްރަށުގެ ވަނަވަރާއި ރަށްރަށާއި ބެހޭ މަޢުލޫމާތުތައް ފެންނާނޭހެން ރަށު ވެބްސައިޓްތައް ހަދައި ބަލަހައްޓަން ފެށުން. | |
| 37 | * | ހުރިހާ ރަށެއްގެ ބަހުރުވަ އެއްކުރެވި، ލިޔެކިޔުމުން ބެލެހެއްޓި، ދިވެހިބަހުގެ ފުރިހަމަ ރަދީފެއް އެކުލަވާލުން. |
| * | ދިވެހިބަހާއި ދިވެހި ތާރީޚާއި ދިވެހި ޘަޤާފަތާއި ދިވެހި އާދަކާދައާ ގުޅޭގޮތުން ލިޔެވިފައިހުރި ފަތްފުށްތައް އެއްކޮށް، ކިޔަވާކުދީންނަށާއި އެންމެހާ ފަރާތްތަކަށް ފަސޭހަކޮށް ފެންނާނޭހެން ބެހެއްޓުން. |
| 38 | * | ރަށުތަރައްޤީގައި ކްލަބް ޖަމިއްޔާތަކަށް އިތުރަށް ޙަރަކާތްތެރި ވެވޭނޭ ޖާގަ ހޯދައިދިނުން. |
| * | ޖަޒީރާ ކްލަބް ޖަމިއްޔާ އަށް ފުދުންތެރިކަމާއި ވަޞީލަތްތަކާއި، ތަމްރީނާއި ތަޢުލީމުގެ ފުރުޞަތުތައް ފަހިކޮށްދިނުން. | |
| * | ކްލަބްޖަމިއްޔާތައް ހިންގުމުގަޔާއި، ބައިވެރިވުމުގައި ޚާއްޞަކޮށް އަންހެނުންނަށް ފުރުޞަތު ހޯދައިދިނުން. |
| 39 | * | ބަލިބައްޔާއި ޞިއްޙީ މައްސަލަތަކާއި، އިޖްތިމާޢީ މައްސަލަތަކާއި، އިޤްޠިޞާދީ ކަންކަމާއި، ތިމާވެށްޓާއި، ޓެކްނޮލޮޖީ ބޭނުންކޮށްގެން އުފެއްދުންތެރިކަން ކުރިއެރުވުމަށް ޤައުމީ ތިންކް ޓޭންކްއެއް އުފެއްދުމަށް ބޭނުންވާ ރިސަރޗް އިންސްޓިޓިއުޓެއް ޤާއިމްކުރުން. |
| * | ރަށްރަށުގައި ރިސަރޗް ވަރުގަދަ ކުރުމަށް ޤައުމީ ރިސަރޗް އިންސްޓިޓިއުޓް އިން އެހީތެރިކަން ފޯރުކޮށްދިނުން. |
| 40 | * | ރަށް ކުނިކަހާ ރީތިކޮށް ސާފުކޮށް ބޭއްވުމުގެ މަސައްކަތް ހަރުދަނާ ދެމެހެއްޓެނިވި އުޞޫލަކުން ކުރަން ފެށްޓުން. |
| * | ރަށުގައި އުފެދޭ ކުނީގެ މައްސަލަ ހައްލުކުރުމަކީ ރަށާއި މުޅި ޤައުމުގެ ވެށީގެ ސަލާމަތާ ރައްކާތެރިކަމަށްޓަކައި ކުރުން ލާޒިމު ކަމެއް ގޮތުގައި ކަނޑައެޅުން. | |
| * | ކުންޏަކީ އުކާލެވޭ، ނުވަތަ ނައްތާލެވޭ އެއްޗެއްގޮތުގައި ގެންގުޅެވެމުން އަންނަ ވިސްނުމުގެ ބަދަލުގައި އެއީ އަލުންބޭނުންކުރެވޭ، މަންފާއާއި އަގު ނެރެވޭ ބާވަތަކަށް ހެދުން. | |
| * | މަގުތައްހަދާ ބެލެހެއްޓުމާއި އެތަންތަން އަލިކޮށް އަމާންކޮށް ބޭއްވުން. |
| 41 | * | މޫސުމަށް އަންނަ ބަދަލުތަކާއި ކޮޅިގަނޑުތަކުން ރަށްރަށަށް ލިބޭ ގެއްލުންތަކަށް އަވަސް އެހީތެރިކަން ފޯރުކޮށްދިނުން. |
| * | އަލިފާނުގެ ޙާދިސާއެއްފަދަ ނުރައްކަލެއް ކުރިމަތިވެއްޖެ ޙާލަތެއްގައި ގެއްލުންލިބި ޙާލުގައިޖެހޭ ޢާއިލާތަކަށް ވަގުތުން އެހީތެރިކަން ފޯރުކޮށްދެވޭނޭ އިންތިޒާމް ކޮންމެ އަތޮޅެއްގައި ޤާއިމްކުރުން. | |
| * | މޫސުންގޯސްވެ، ކަނޑުގަދަވުން ދިގުލައިގެންދާ ޙާލަތްތަކުގައި އަތޮޅުތަކަށް ބޭނުންވާ ކާޑުގެ ބާވަތްތަކާއި ތެލާއި ކައްކާގޭހާއި އަދި ބޭސްފަދަ އަސާސީ ބާވަތްތަކުގެ އެކަށީގެންވާ ސްޓޮކެއް ރައްކާކުރެވިފައި ހުންނާނޭ އިންތިޒާމް ހަމަޖެއްސުން. |
| 42 | * | މާލެ ތޮއްޖެހުން ކުޑަކުރުމަށާއި، މާލޭގައި ދިރިއުޅޭ ރައްޔިތުންނަށް މާ އުފާވެރި ދިރިއުޅުމެއް ހޯދައިދިނުމަށްޓަކައި މާލެއަކީ ހިތްފަސޭހަ ރަށަކަށް ބަދަލުކުރުމުގެ މަސައްކަތް ކުރުން. |
| * | ހުސްޖާގަތައް ހަދައި، ބަންދުކޮށްފައިހުރި ތަންތަނާއި މަގުތައް ހުޅުވައި މަގުތަކުގެ ކާރޫބާރޫއާއި ޓްރެފިކަށް ލުއިކަން ހޯދައިދިނުން. | |
| * | އެއްގަމު އުޅަނދުފަހަރު ޕާކްކުރާނޭ އެކަށީގެންވާ އިންތިޒާމެއް ކުރެވި، މަގުތަކަކީ އެންމެނަށް އަމާން ރައްކާތެރި ތަނަކަށް ހެދުން. | |
| 43 | * | ގޯތިގެދޮރުގެ ދަތިކަމާއި ބޯހިޔާވަހިކަމުގެ މައްސަލައަށް ހައްލު ހޯދައިދިނުމުގެ ގޮތުން، އާއިލާތަކަށް ދިރިނޫޅެވޭ ވަރުގެ ކުދި ބިންކޮޅުކޮޅުގައާއި، ކުދިކުދި ފްލެޓްތަކުގައި ދިރިއުޅޭ ފަރާތްތަކަށް އެމީހުން އިޚްތިޔާރުކުރާ އެހެންތަނަކުން އެކަށީގެންވާ ވަރުގެ ގޯއްޗެއް ފޯރުވައިދިނުން. |
| * | މާލޭގައި އެކަށީގެންވާ ވަރުގެ ބިމެއް އޮވެ، ޢިމާރާތްކުރާނެ ތަނަވަސްކަން ނެތިފައިވާ ޢާއިލާތައް ދެނެގަނެ، އެފަރާތްތަކަށް ލުއިފަސޭހަކޮށް ގެ ޢިމާރާތްކުރެވޭނެ މަގު ހޯދައިދިނުން. | |
| * | ލުއިފަސޭހަކޮށް ގެ ޢިމާރާތްކުރެވޭނެ މަގު ހޯދައިދިނުމުގައި އެކަނިވެރި މައިންނަށް އިސްކަންދިނުން. | |
| 44 | * | މާލޭއަށް ޒިޔާރަތްކުރާ ފަތުރުވެރިންނަށް ހިތްގައިމު، ޝައުޤުވެރި މަންޒިލަކަށް މާލެ ބަދަލުކުރުމުގެ މަސައްކަތް ހިންގުން. |
| * | މާލޭގައި ހުރި ދުވަސްވީ ތަންތަން ޙިމާޔަތްކުރެވި، އެތަންތަނުގެ ބޭނުން އިތުރަށް ހިފައި، އެތަންތަނަކީ އާމްދަނީ ލިބޭ އިޤްޠިޞާދީ ވަޞީލަތްތަކަކަށް ހެދުން. | |
| * | އާސާރީ ތަންތަން އިތުރަށް ތަރައްޤީކޮށް، ފުޅާކޮށް، އާސާރުތައް އެއްކޮށް ބެލެހެއްޓުމުގެ މަސައްކަތް ހިންގާން ފެށްޓުން. | |
| 45 | * | ކުޅިވަރު ކުޅޭ ތަންތަން ތަރައްގީކުރުމާއި، އާބާދީއާ އެކަށޭނަ މިންވަރަށް ތަފާތު ގިނަ ކުޅިވަރުތައް ކުޅޭނެ ތަންތަން ހަދައި ތަރައްޤީކޮށް، ކުޅިވަރަށް ޝައުޤުވެރިކަން ހުންނަ އެންމެންނަށް ބޭނުންކުރެވޭނޭ ގޮތަށް ފަރުމާކުރެވިގެން އިޖްތިމާޢީ މަރުކަޒުތައް ހެދުން. |
| * | އެކި ފަންނުތަކާއި ހުނަރުތައް ކުރިއެރުވުމަށް ބޭނުންވާ ވަޞީލަތްތައް ގާއިމްކުރުން. | |
| * | މަޖާކޮށް ކުޅިވަރުކުޅެ މުނިފޫހި ފިލުވުމުގެ ފުރުޞަތު ހުރިހާ އެންމެންނަށް ހޯދައިދިނުން. | |
| * | ކުޅިވަރުގެ ވަސީލަތްތައް ލިބުމުގައި އަންހެނުންނަށް އިތުރު ދަތިތަކެއް މެދުވެރިވާތީ، އެކަމަށް ފިޔަވަޅު އެޅުން. | |
| 46 | * | ދުޅަހެޔޮ ދިރިއުޅުމަކަށް ތަރުޙީބުދީ ކަސްރަތުކުރުމަށް ބާރުއެޅުމަށްޓަކައި މަގުތަކާއި، ޕާކުތަކާއި، އާއްމު މައިދާންތައް ކަސްރަތުކުރާ މީހުންނާ ބީރައްޓެހި ނޫން މާޙައުލުތަކެއް ގޮތަށް ފަރުމާކުރެވި، ބައްޓަންކުރުން. |
| * | މާލޭގެ މަގުތައް އަލިކުރެވި، ކުށުގެ ވެށީން ރައްކާތެރިކަން ލިބިދޭ އަމާން ވެއްޓެއް ހޯދުން. |
| 47 | * | މާލެ ސިޓީގެ ރައްޔިތުން ހަފްތާ ބަންދުގައި ޢާއިލާ އާއި އެކު ދަތުރު ދިއުމަށް މާލެއާ ގާތުން ރަށެއް ޚާއްޞަކުރުން. |
| * | މާލޭގައި ހެދިފައި ހުރި ބީޗްތަކާއި ފަތާ ސަރަޙައްދުތައް ސާފު ތަންތަނަށް ހެދުން. | |
| * | ބީޗް ފަދަ ސަރަޙައްދުތައް ބޭނުންކުރާ ކުޑަކުދިންނާއި އެންމެހާ ފަރާތްތަކަށް ޞިއްޙީގޮތުން މައްސަލަ ދިމާނުވެ ބޭނުންކުރެވޭ ތަންތަނަށް ހެދުން. | |
| 48 | * | މާލޭގެ ބަނދަރުމަތި ބޭނުންކުރާ ފަރާތްތަކުގެ ބޭނުންތައް ފުއްދޭގޮތަށް ތަރައްޤީކުރުން. |
| * | މާލެ ސަރަޙައްދުގެ ފަޅުތަކުން މަސްވެރިންނަށް ޖާގަ އިތުރުކޮށްދިނުން. | |
| * | ހަމައެކަނި ސަރުކާރުގެ ވެރިންގެ ބޭނުމަށް ބަންދުކުރެވިފައިހުރި ބައެއް ޖާގަތައް ހުޅުވާލުން. | |
| * | ފަޅުތެރޭގެ ޖާގަ އިތުރުކޮށް ވަދެނުކުމެވާ ހުރިހާ އުޅަނދުފަހަރަށް ލުއިފަސޭހަކޮށްދިނުން. | |
| * | އަތޮޅުތަކުން މާލެ އަންނަ ފަސިންޖަރުންގެ ފެރީޓާމިނަލްތައް ހެދި، އަރާފޭބުން މިހާރަށްވުރެ މާ ރައްކާތެރި އުޞޫލަކަށް ބަދަލުކުރުން. | |
| 49 | * | މާލޭ މަސްމާރުކޭޓު ރަނގަޅު ފެންވަރަށް ތަރައްޤީކުރެވި އެތަނުގައި މަސްމަހާމެހީގެ އިތުރުން ކަނޑު ގޮވާމުގެ ބާވަތްތައް ލިބެން ހުންނަ ވިޔަފާރި މަރުކަޒަކަށް ބަދަލުކުރުން. |
| * | މާލޭ މަސްމާރުކޭޓު ޚިދުމަތް ހޯދާ ފަރާތްތަކާއި މާލެ ޒިޔާރަތްކުރާ ފަތުރުވެރިންގެ މެދުގައި މަޤްބޫލު ތަނަކަށް ހެދުން. | |
| * | ލޯކަލް މާރުކޭޓް ތަރައްޤީކުރެވި އެތަނުގައި ވިޔަފާރިކުރާ ފަރާތްތަކަށް ޖާގަ ތަނަވަސް ލުއި ފަސޭހަ ތަނެއްގެގޮތުގައި ހެދުން. |